Алматыда тағы да жер сілкінді. Төтенше жағдайлар министрлігі мұның афтершок екенін мәлімдеді, деп хабарлайды “Адырна” ұлттық порталы.
"Алдын ала ақпарат бойынша жер сілкінісі Қытай аумағында болған. Алматы қаласында 2 балл көлемінде сезілді", - дейді ведомстводан.
Сейсмикалық стансалар желісі сағат 12:54 кезінде болған зілзаланың ошағы Алматыдан оңтүстік-шығысқа қарай 255 шақырым қашықтықта, Қытай аумағында екенін растады.
Магнитудасы — MPV 5.3. Энергетикалық класы — 11.9.
Айта кетейік, бұған дейін 11.22-де қалада 5 баллдық жер сілкінісі сезілді. Оның эпицентрі Алматыдан 30 шақырым жерде Қырғызстан аумағында орналасқан еді.
Ұқсас жаңалықтар
