Ғылым және жоғары білім министрі Саясат Нұрбек Қазақстанда алғаш рет қатерлі ісікке қарсы дәрінің жасалуы туралы айтты. Сонымен қатар, ол оны үкіметтік брифингте журналистерге көрсетті, - деп хабарлайды "Адырна" порталы.
"Әйгілі биотехнологымыз Дос Сарбасов Қазақстанға оралды, ол Техас университетінің Андерсон зертханасында жұмыс істеді. Ол бірнеше жылдан бері Назарбаев университетінің ұлттық зертханасын басқарады. Қазіргі уақытта биотехнолог онкологияға қарсы жаңа препараттарды жасап жатыр", - деді Саясат Нұрбек.
Шенеуніктің айтуынша, бүгінде Қазақ онкология және радиология ғылыми-зерттеу институтында 15 адам қазақстандық препаратпен емделіп жатыр.
«Біз бірден 4-5 жыл үнемдеп, үшінші кезеңге көштік, жақын арада ісікке қарсы дәріміз шығады», - деп қосты министр.
