Президент Сердар Бердімұхамедовтың «Жастар – Отан тірегі» атты кітабы жарық көрді, деп хабарлайды "Адырна" порталы. Бұл туралы Ussatnews электронды газеті мәлімдеді.
Баяндамашылар Мемлекет басшысының кітабында түркімен жастарының табыстары мен жетістіктері толық айтылғанын атап өтті. Олардың айтуынша, Түркімен халқының ұлттық көшбасшысы Гурбангулы Бердімұхамедов пен мемлекет басшысының қолдауымен шабыттанған елдің жас ұрпағы 2023 жылы орасан зор еңбек табыстарына қол жеткізді.
Жиынға қатысушылар «Жастар – Отан тірегі» кітабы ел халқына, әсіресе, мұнай-газ саласының қызметкерлеріне биік мақсаттарға жету жолындағы құнды сыйлық әрі рухани қолдау екеніне сенім білдірді.
Тұсаукесер рәсімінің соңында Түркіменстан Президентіне мұнай-газ саласының қызметкерлері мен геологтар пікірлерін айтты.
Еске салайық, Мемлекет басшысының кітабының тұсаукесері 27 желтоқсанда өткен «Арқадағы сердармен бақытты жастар» атты жыл қорытындысына арналған халықаралық ғылыми-тәжірибелік конференция мен көрмеге орайластырылған болатын.
