Қарулы топ Эквадордың TC Televisión телеарнасын басып алып, журналистерді кепілге алды. Жергілікті БАҚ университет пен полиция бөлімшелерінің басып алынғанын да жариялады, деп хабарлайды “Адырна” ұлттық порталы.
Болжам бойынша, елдегі қарулы басып алулар «Лос Чонерос» тобының жетекшісі Фито лақап атымен белгілі Адольфо Макиас Вильямар түрмеден қашып кеткеннен кейін басталған.
Қарақшылар жергілікті телеарнаның қызметкерлерін қолға түсіріп, видеоға түсіріп алған.
Видеода журналистер ел президентінен оларды босатуды сұраған. Кейін ғимаратқа дауылпаздар кіріп, топты залалсыздандырғаны белгілі болды.
Сонымен қатар, Эквадордың басқа бөліктерінен де алаңдатарлық хабарлар келіп жатыр. Қарулы топтар Гуаякил университетіне кіріп, студенттер мен мұғалімдерді кепілге алмақ болған.
Сонымен қатар, метро мен сауда орталықтарында адамдарға шабуыл жасалуда.
Жергілікті тұрғындар Эквадор картельінің мүшелері Гуаякил қаласындағы полиция патрульдеріне шабуыл жасай бастады деп мәлімдейді. Адамдардың айтуынша, қарақшылар тәртіп сақшыларын атып тастайды, ал аман қалғандары өлім жазасына кесіледі. Бірнеше бейбіт тұрғын да жараланған.
Эквадор президенті Даниэль Нобоа 60 күндік төтенше жағдай жариялады, оған қоғамдық жиындарға уақытша тыйым салу және коменданттық сағат кіреді. Сондай-ақ ел басшысы елде ішкі қарулы қақтығыс бар деп тану туралы жарлық шығарды.
Оған сәйкес, барлық қылмыстық топтар террористік ұйымдарға теңестіріледі.
Нобоа тұрақты армияға тәртіпсіздіктер туғызған және әртүрлі қалаларда адамдарды кепілге алған барлық қарақшыларды залалсыздандыруды бұйырды.
