Қазақстандық теннисші Жібек Құламбаева Тайландта өткен халықаралық турнирдің финалында жеңіске жетіп, жаңа маусымдағы алғашқы титулды жеңіп алды, деп хабарлайды "Адырна" ұлттық порталы Қазақстан теннис федерациясына сілтеме жасап.
Қазақстандық теннисші Жібек Құламбаева грекиялық Сапфо Сакелларидимен жұптасып, Тайландта W50 NONTHABURI чемпионы атағын жеңіп алды.
Шешуші кездесуде Кұламбаева мен Сакеллариди Ланлан Тараруди (Таиланд)/Чи Ю Цао (Тайвань) жұбымен кездесуі тиіс еді, бірақ қарсыластар кортқа шықпады.
Қазақ-грек дуэті қарсыластарының бас тартуына байланысты автоматты түрде байқау жеңімпазы атанды. Бұл жетістік Құламбаеваның биылғы ITF сериясындағы бірінші және Халықаралық теннис федерациясының қамқорлығымен өткен турнирлердегі жұптық жарыстағы мансабындағы 27-ші титулын болды.
"Адырна" ұлттық порталы
