Алматы облысы Балқаш ауданында жантүршігерлік жағдай орын алды, деп жазады "Адырна". Бұл туралы ZTB агенттігі хабарлады.
Ұсталған азамат екі және үш жастағы балаларды бірнеше уақыт бойы зорлап келген. Ол қыздардың анасы және әжесімен бірге тұрған.
«Қазір балаларға ота жасалып, ауруханада жатыр», - деді жергілікті тұрғын.
Оның айтуынша, операцияны АОБА (Алматы облыстық балалар ауруханасы) дәрігерлері жасаған.
Дереккөздің айтуынша, «зорлаушының үстінен қылмыстық іс қозғалып, тергеу амалдары жүріп жатыр». Ол күдікті ер адамның ұсталғанын, ол жергілікті тұрғын екенін және мас күйінде қылмыс жасағанын айтты.
Редакция ресми түсініктеме алу үшін ҚР Ішкі істер министрлігі мен Алматы облыстық полиция департаментіне де хабарласты.
Құқық қорғау органдарындағы дереккөздің айтуынша, күдікті 1982 жылы туған. Олар оны тек бағдарына байланысты ұстай алды. Айтуынша, күдікті «қазақ, Алматы облысының тумасы».
«Ол қаңтар айының басында балаларды зорлауды бастаған екен. Қыздардың анасы (23 жаста) мен әжесі (42 жаста) оның бірге тұратын адамдары болған және бұл туралы білгенімен, олар үнсіз қалды. Әлгі адам бұл туралы ешкімге айтпауға, түзелуге мүмкіндік беруге көндірді. Олар барлығына шыдап келген», - дейді дереккөз.
