20 мамырға қараған түні Қызылорда қаласының орталығында жастар төбелесті. Жергілікті тұрғындар полицияға топтанған адамдардың төбелесіп жатқаны туралы хабарлаған. Әлеуметтік желілерде төбелес видеосы тарады. Екі жақтан келе жатқан топ жастар бір-бірімен сөзге келіп қалған, деп хабарлайды "Адырна" ұлттық порталы.
Полиция төбелеске қатысқан барлық 12 адамды анықтады. Олар 25-30 жас аралығындағы облыс орталығының тұрғындары. Қаланың қақ ортасында "тай-құлындай тебіскен" жастардың барлығы ұсталды. Олар міндетті медициналық тексеруден кейін полицияға жеткізілген.
Аталған фактіге сәйкес, ҚР ҚК 293-бабының 2-бөлігі, "Бұзақылық" бойынша тергеу басталды.
"Адырна" ұлттық порталы
