Түркіменстанның бұрынғы президенті ұлт көшбасшысы болды. Гурбангулы Бердімұхамедов Халық билігінің жоғары органы – Түркіменстанның Халық мәслихатының төрағасы болып тағайындалды. Бұл туралы turkmenportal.com сайты жариялады, деп хабарлайды “Адырна” ұлттық порталы.
Бұл жарлыққа бүгін Түрікменстан президенті Сердар Бердімұхамедов қол қойды. Сердар Бердімұхамедовтың қаулысында Гурбангулы Бердімұхамедовтың «демократиялық құқықтық және зайырлы мемлекеттің берік негізін бекіту, тәуелсіз бейтарап Түрікменстанның халықаралық беделін жан-жақты дамыту және нығайту ісіндегі орасан зор еңбегін ескере отырып» Түрікменстан Халық мәслихатының төрағасы болып тағайындалғаны айтылған.
