Өзбекстанның Ресейдегі елшілігі Украинамен соғысу үшін батальон құрмақ болған Ресейдегі өзбек диаспорасына жауап берді. Министрлік Өзбекстанда жалдамалылық заң бойынша жазаланатынын еске салды, деп хабарлайды “Адырна” ұлттық порталы.
Еске салайық, 9 тамызда Пермь өлкесі өзбектерінің Орталық Азия қоғамының жетекшісі Жахонгир Жалолов соғысқа баруды ұсынды. Ол Ресейде тұрып, жұмыс істейтін өзбектерге ерікті жасақ құруды жоспарлап отырғанын айтқан еді.
“Өзбекстан Республикасының Ресей Федерациясындағы Елшілігі отандастарға қылмыстық жауапкершілік белгіленген шет мемлекеттердің аумағында ерікті батальондар құрудан және ұрыс қимылдарына қатысудан сақтандырады. Бұл туралы дипломатиялық өкілдік бапқа сәйкес хабарлайды. Өзбекстан Республикасы Қылмыстық кодексінің 154-бабы «жалдамалылық» қылмысы – шет мемлекеттің аумағындағы қарулы қақтығыстарға немесе әскери операцияларға заңсыз қатысу туралы заңмен жазаланады”, -деді министрлік.
Өзбекстан билігі өз азаматтарына шілде айының соңында Украинада соғыс болу қаупі туралы ескертті. Осыдан аз уақыт бұрын «Вагнер» жеке күзет компанияларына жалдау желеуімен Украинадағы соғысқа Өзбекстан мен Қырғызстан азаматтарын тартып жатқаны белгілі болды. MediaHub журналистері жұмысқа тұруға тырысқанда, оларға жеке күзет компаниясында орын жоқ екенін айтады және оларға басқа айына 240 мың рубль төлейтін жұмыс ұсынады. Сондай-ақ, Украинадағы арнайы операция аймағында тапсырмаларды орындау ұсынылады.
”Адырна” ұлттық порталы
