Алматы облысында еңбек мигранттарының бірі 4-сынып оқушысына тиіспек болған деп хабарлайды "Адырна" ұлттық порталы.
Алматы облыстық полиция департаментінің хабарлауынша, 3 маусымда Іле ауданындағы "Тілектес" саяжайының бір топ тұрғыны еңбек мигранттарына қатысты шағым түсірген. Олардың айтуынша, өзбектердің бірі құрылыс маңынан өтіп бара жатқан оқушыға тиіскен. Полицейлерге қыздың әкесі шағымданып, өзбектермен арада төбелес болғанын да айтыпты.
“Қазіргі уақытта құқық қорғау органдары ауыл тұрығының шағымы бойынша тексеру жүргізіп жатыр, қолданыстағы заңнама бойынша шара қолданылады. Учаскелік полицейлер көші-қон қызметімен бірлесіп, көрші мемлекеттен келген азаматтардың құжаттарын тексерді. Нақты шешім қабылдау үшін екі жақтың да уәждері қарастырылып, бұл факті бойынша шешім қабылданады”, – делінген хабарламада.
"Адырна" ұлттық порталы.
