Қоғам белсендісі Мұрат Әбенов 9 мамырда алаңға Сталин мен Берияның портретін алып шыққандар мен оларды жақтаған Мәжіліс депутатына қатысты пікір білдірді, деп хабарлайды "Адырна" ұлттық порталы.
Бұл туралы ол өз парақшасында былай деп жазды:
"Қазақстан Халық партиясы атынан сайланған Парламент Мәжілісінің депутаты (бұрынғы "коммунист") Ғазиз Құлахметов 9 мамырда Иосиф Сталин мен Лаврентий Берияның портреттерімен Алматы көшелеріне шыққандардың "моральдық құқығы бар" деп мәлімдеді. Алдағы сайлауда сайлаушылар Ертіспаевтың партиясының қызыл террор идеологиясы мен миллиондаған адамның өмірін қиған, қазақтардың геноцидке ұшырауына кінәлі Сталин мен Берияны насихаттағанын еске алады деп сенемін".
"Адырна" ұлттық порталы.
