Ұлыбританияның Сыртқы істер министрлігі Украинадағы соғысқа байланысты Қазақстанға қарсы санкцияларды қарастырып жатыр, деп хабарлайды "Адырна" сайты. Бұл туралы британдық депутат Маргарет Ходж мәлімдеді.
«Бүгін мен Сыртқы істер министріне Украинаға қатысты екі мәселе бойынша шағымдандым. Элизабет Трасс олардың Дума мүшелеріне қарсы санкциялар әзірлеп жатқанын растады және Путиннің айуандық шабуылын қолдауы мүмкін Қазақстан сияқты басқа юрисдикциялардағы клептократтарға санкция беруді күтеді», - деді Ходж сейсенбіде.
Бұған дейін Президент Қасым-Жомарт Тоқаев Украинадағы жағдай туралы айта отырып, Қазақстанның ұстанымы «мемлекетіміздің қауіпсіздігін, егемендігі мен аумақтық тұтастығын қамтамасыз етудің сыни қажеттілігіне негізделуі керек» деп мәлімдеген.
"Адырна" ұлттық порталы
