نۇر-سۇلتان قالاسىنىڭ وقۋشىسى راسۋل جۇمابەكوۆ پاتشايىم II ەليزاۆەتادان حات الدى. كونۆەرتتە 16 جاستاعى ءجاسوسپىرىمنىڭ 2020 جىلدىڭ سوڭىندا جىبەرگەن حاتىنا جاۋاپ جازىلعان، - دەپ حابارلايدى "ادىرنا" ۇلتتىق پورتالى Tengrinews.kz سايتىنا سىلتەمە جاساپ.
راسۋل الدىمەن پاتشا وتباسىنىڭ تاريحىنا قىزىعا باستاعان. كەيىن پاتشايىمعا حات جازۋدى ۇيعارعان.
«ينتەرنەتتە ءبىر ۆيدەونى كورىپ قالدىم، وندا روليك اۆتورىنا پاتشايىم ەليزاۆەتا II-دەن حات كەلەدى. وسىدان كەيىن مەن دە ءوزىم تۋرالى، قازاقستاندىق وقۋشى ەكەنىمدى ايتىپ، حات جازۋعا بەل بۋدىم. قازاق ۇلتتىق حورەوگرافيا اكادەمياسىندا بالەتپەن اينالىساتىنىمدى، سونداي-اق، فۋتبول، فورتەپيانودا ويناۋعا قىزىعاتىنىمدى جازدىم. حاتتا پاتشايىمنىڭ دەنساۋلىعىن سۇراپ، وعان بار جاقسىلىقتى تىلەدىم»، - دەيدى راسۋل جۇمابەكوۆ.
ول ۇلىبريتانيا جانە سولتۇستىك يرلانديا پاتشايىمى II ەليزاۆەتاعا حاتتى 2020 جىلدىڭ قازانىندا جىبەرگەن، بىراق جاۋاپ كۇتپەگەنىن ايتادى. ونى جولداعاننان كەيىن باقىلاۋ مۇمكىن بولماعان سوڭ، راسۋل كونۆەرت جوعالىپ كەتكەنىنە سەنىمدى بولعان.
«ماعان جاۋاپ 6 قاڭتاردا كەلدى. پاتشايىمنىڭ قولى قويىلعان جاۋاپحاتتا ول مەنىڭ حاتىما وتە ريزا بولعانىن، جاعدايى جاقسى ەكەنىن ايتىپ، ماعان العىس ءبىلدىردى. وسى قيىن-قىستاۋ كەزەڭدە ماعان جانە تۋعان-تۋىستارىما جاقسىلىق تىلەدى»، - دەدى راسۋل.
