ءماجىلىس دەپۋتاتى بولعان رۋسلان بەردەنوۆ شىمكەنت قالاسى اكىمىنىڭ ورىنباسارى قىزمەتىنە تاعايىندالدى، دەپ حابارلايدى «ادىرنا» ءتىلشىسى.
اكىمدىك مالىمەتىنشە، رۋسلان بەردەنوۆتىڭ اكىم ورىنباسارى قىزمەتىنە تاعايىنداۋ تۋرالى شەشىم پرەزيدەنت اكىمشىلىگىمەن كەلىسە وتىرىپ قابىلدانعان.
ايتا كەتەيىك، بيزنەسمەن رۋسلان بەردەنوۆ Respublika پارتياسىنان ءماجىلىس دەپۋتاتى بولدى.
ول 2006 جىلى ءال-فارابي اتىنداعى قازاق ۇلتتىق ۋنيۆەرسيتەتىن "مەنەدجمەنت" ماماندىعى بويىنشا بىتىرگەن. 2009 جىلى ىسكەرلىك اكىمشىلىك ماگيسترى دارەجەسىن العان.
2005 جىلى ەڭبەك جولىن "سەيمار گرۋپ" اق-دا Almaty Kus كومپانياسىندا باستاعان. 2007-2010 جىلدارى Procter & Gamble LLP كومپانياسىندا نەگىزگى لوگيستيكالىق كوورديناتور قىزمەتىن اتقارعان.
2010-2012 جىلدارى EASTCOMTRANS جشس-دە جىلجىمالى قۇرامدى جالعا بەرۋ ءبولىمىنىڭ باستىعى بولعان.
2012-2018 جىلدارى Akniet Pharmaceuticals كومپانياسىنىڭ باسشىسى بولدى. بۇل فارماتسەۆتيكالىق كومپانيا قازاقستانداعى 50 ءىرى جەكە كومپانيا قاتارىنا كىرەدى. كومپانياعا Europharma جانە Arzan pharm برەندتەرىمەن 282 ءدارىحانا كىرەدى.
2018-2019 جىلدارى "اق نيەت" جشس باقىلاۋ كەڭەسىنىڭ مۇشەسى بولعان.
2019-2023 جىلدارى Aq Niet Group باقىلاۋ كەڭەسى توراعاسىنىڭ ورىنباسارى قىزمەتىن اتقارعان.
بۇعان دەيىن ول استاناداعى ەڭ بيىك عيماراتتىڭ توبەسىنە شىعىپ، بەتمەن بەينەسىندە ۆيدەو تۇسىرگەن ەدى.
