بۇرىنعى ادىلەت ءمينيسترى ازامات ەسقاراەۆ قازاقستاننىڭ ۇندىستانداعى ەلشىسى بولىپ تاعايىندالدى. بۇل تۋرالى بۇگىن، 7 ساۋىردە اقوردانىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«ازامات نەسىپبايۇلى ەسقاراەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى لاۋازىمىنا تاعايىندالدى»،— دەلىنگەن حابارلامادا.
ال نۇرلان جالعاسباەۆ قازاقستان رەسپۋبليكاسىنىڭ ءۇندىستان رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ شري-لانكا دەموكراتيالىق سوتسياليستىك رەسپۋبليكاسىنداعى، بانگلادەش حالىق رەسپۋبليكاسىنداعى، نەپال فەدەراتيۆتىك دەموكراتيالىق رەسپۋبليكاسىنداعى، بۋتان كورولدىگىندەگى، مالديۆ رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشى لاۋازىمدارىنان بوساتىلدى.
ەستەرىڭىزگە سالايىق، ازامات ەسقاراەۆ ەكى جىل بويى ادىلەت مينيسترلىگىن باسقارعان بولاتىن. ەكس-مينيستر 2025 جىلدىڭ 9 قاڭتارىندا پرەزيدەنت جارلىعىمەن ادىلەت ءمينيسترى لاۋازىمىنان كەتتى.
