Májilis depýtaty bolǵan Rýslan Berdenov Shymkent qalasy ákiminiń orynbasary qyzmetine taǵaıyndaldy, dep habarlaıdy «Adyrna» tilshisi.
Ákimdik málimetinshe, Rýslan Berdenovtiń ákim orynbasary qyzmetine taǵaıyndaý týraly sheshim Prezıdent Ákimshiligimen kelise otyryp qabyldanǵan.
Aıta keteıik, bıznesmen Rýslan Berdenov Respublika partııasynan Májilis depýtaty boldy.
Ol 2006 jyly ál-Farabı atyndaǵy Qazaq ulttyq ýnıversıtetin "Menedjment" mamandyǵy boıynsha bitirgen. 2009 jyly iskerlik ákimshilik magıstri dárejesin alǵan.
2005 jyly eńbek jolyn "Seımar Grýp" AQ-da Almaty Kus kompanııasynda bastaǵan. 2007-2010 jyldary Procter & Gamble LLP kompanııasynda negizgi logıstıkalyq koordınator qyzmetin atqarǵan.
2010-2012 jyldary EASTCOMTRANS JShS-de jyljymaly quramdy jalǵa berý bóliminiń bastyǵy bolǵan.
2012-2018 jyldary Akniet Pharmaceuticals kompanııasynyń basshysy boldy. Bul farmaevtıkalyq kompanııa Qazaqstandaǵy 50 iri jeke kompanııa qataryna kiredi. Kompanııaǵa Europharma jáne Arzan pharm brendterimen 282 dárihana kiredi.
2018-2019 jyldary "Aq Nıet" JShS baqylaý keńesiniń múshesi bolǵan.
2019-2023 jyldary Aq Niet Group baqylaý keńesi tóraǵasynyń orynbasary qyzmetin atqarǵan.
Buǵan deıin ol Astanadaǵy eń bıik ǵımarattyń tóbesine shyǵyp, Betmen beınesinde vıdeo túsirgen edi.
