وبلىستا «تازا قازاقستان» باعدارلاماسى اياسىندا ەكو-اكتسيالارمەن جانە ءداستۇرلى سەنبىلىكتەرمەن قاتار حالىق اراسىندا اقپاراتتىق-ءتۇسىندىرۋ جۇمىستارى ۇيىمداستىرىلدى.
بۇگىن، 8 قاڭتاردا تالدىقورعان جاستارعا قىزمەت كورسەتۋ ورتالىعىندا «ەكولوگياداعى يننوۆاتسيالار» تاقىرىبىندا جاستارمەن سەمينار ءوتتى. سەميناردا تالدىقورعان قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ 11-12 سىنىپ وقۋشىلارى ورمانداردى قالپىنا كەلتىرۋ بويىنشا اۆتونومدى روبوتتى تانىستىردى. ءبىر تسيكلدە روبوت 60 كوشەت وتىرعىزا الادى، شىنجىر تاباندى ءشاسسيدىڭ ارقاسىندا ول كەز-كەلگەن توپىراقتا جۇمىس ىستەي الادى جانە كۇردەلى رەلەفتە قوزعالادى.
تالدىقورعان قالاسىنداعى فيزيكا-ماتەماتيكا باعىتىنداعى نازارباەۆ زياتكەرلىك مەكتەبىنىڭ وقۋشىسى اليەۆا اياۋلىم ماراتقىزى: «بۇل جوبا - تولىق كولەمدى، دايىن روبوت. اۆتوماتتى رەجيمدە ول جابىقتامىر جۇيەسى بار كوشەتتەردى، كەز-كەلگەن تۇردەگى اعاشتاردى وتىرعىزادى. روبوتتى باسقارۋ تاستار، اعاشتار، سايلار سياقتى كەدەرگىلەردى اينالىپ وتۋگە مۇمكىندىك بەرەتىن جاساندى ينتەللەكت نەگىزىندە اۆتونومدى تۇردە جۇزەگە اسىرىلادى. ايتا كەتۋ كەرەك، بۇل جوبا تەك اعاش وتىرعىزىپ قانا قويماي، ورماننىڭ قالاي وسەتىنى تۋرالى بولجام جاسايدى، سونىمەن قاتار تابيعاتتى قوقىستاردان تازارتادى. ەگەر قوقىس تابىلسا، روبوت مانيپۋلياتوردىڭ كومەگىمەن اۆتوماتتى تۇردە قوقىس جينايدى جانە ونى 20كگ-عا دەيىن قوقىس جينايتىن كونتەينەرگە سالادى».
جەتىسۋ وبلىسىندا «تازا قازاقستان» باعدارلاماسى اياسىندا 2024 جىلدىڭ 8ساۋىردەن باستاپ بارلىق جوسپارلانعان ءىس-شارالار بەلسەندى وتكىزىلدى، جالپى سەنبىلىكتەرمەن ەكواكتسيالارعا 251مىڭنان استام ادام قاتىستى.
وسى اۋقىمدى ەكوجوبانى ىسكە اسىرۋ باستالعاننان بەرى ءبىزدىڭ وبلىس بويىنشا جالپى 2 322 بىرلىك تەحنيكا جۇمىلدىرىلدى، 12 822 توننا قوقىس شىعارىلدى، 193 ساياباق پەن سكۆەردى، 721 تاريحي-مادەني ەسكەرتكىشتى تازارتۋ جۇمىستارى جۇرگىزىلدى جانە 56 مىڭنان استام قىلقان جاپىراقتى جانە قاتتى اعاش كوشەتتەرى وتىرعىزىلدى.
وبلىستىق قوعامدىق دامۋ باسقارماسىنىڭ دەرەكتەرى بويىنشا
