ۇلىتاۋ وبلىسىندا اعىمداعى جىلى ەرەكشە قاجەتتىلىكتەرى بار بالالارعا ارنالعان جاڭا رەابيليتاتسيالىق ورتالىق اشىلدى. ورتالىق 3 پەن 18 جاس ارالىعىنداعى بالالارعا كومەك كورسەتۋگە باعىتتالعان جانە جىل سايىن 600 بالاعا دەيىن قابىلداي الادى. بۇل جوبا «قازاقستان حالقىنا» قورىنىڭ قولداۋىمەن جۇزەگە اسىرىلدى.
«بۇل ىنتىماقتاستىقتىڭ جالعاسىپ جاتقانىنا قۋانىشتىمىن. «قازاقستان حالكىنا» قورى الەۋمەتتىك كومەك اياسىندا ورتالىققا 65 ميلليون تەڭگە كولەمىندە جابدىقتار جەتكىزىپ، 52,4 ميلليون تەڭگەگە بالالارعا ويىن الاڭىن، فۋتبول، باسكەتبول الاڭدارىن جانە ۆوركاۋت گيمناستيكالىق كەشەنىن سىيعا تارتتى.»، — دەدى ۇلىتاۋ وبلىسىنىڭ اكىمى داستان رىسپەكوۆ.
بۇدان باسقا، 2024 جىلى وبلىس بويىنشا كوپتەگەن ماڭىزدى قۇرىلىس جوبالارى جۇزەگە استى. جاڭا مەكتەپتەر، بالاباقشالار مەن مەديتسينالىق مەكەمەلەردىڭ قۇرىلىسى اياقتالدى.
ۇلىتاۋ وبلىسىنىڭ ەكونوميكاسى دا دامۋ جولىندا. 2024 جىلى 1-ءشى جارتىجىلدىعى بويىنشا جالپى وڭىرلىك ءونىم 799 ملردتەڭگەنى قۇراپ، وبلىس ەكونوميكاسىنىڭ 3%-عا ءوستى. ينۆەستيتسيالار كولەمى 158 ميلليارد تەڭگەگە جەتىپ، بۇل كورسەتكىشتىڭ جىل سايىن ءوسۋى بايقالادى. وبلىس اكىمدىگى الداعى ۋاقىتتا جاڭا وندىرىستەر مەن ينفراقۇرىلىمدىق نىسانداردى ىسكە قوسۋ جوسپارىن ودان ءارى دامىتۋدى كوزدەپ وتىر.
ۇلىتاۋ وبلىسى الەۋمەتتىك جانە ەكونوميكالىق سالالاردا تۇراقتى ءوسىم كورسەتىپ، ءوڭىردىڭ دامۋىندا جاڭا مۇمكىندىكتەر اشىپ كەلەدى.
