پولشادا قازاقستاندىق مۇناي وتەتىن «دوستىق» قۇبىرىنان اقاۋ شىقتى. ەنەرگەتيكا مينيسترلىگى بۇل جاعدايعا قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.
رەسمي مالىمەتكە سۇيەنسەك، 1 جەلتوقساندا پنەۆى قالاسى ماڭىندا «درۋجبا» جۇيەسى قۇبىرىنىڭ باتىس بولىگىندە شۆەدت مۇناي وڭدەۋ زاۋىتىنا جەتكىزىلەتىن مۇنايدىڭ توگىلۋى انىقتالعان.
«زاقىمدالعان جەلى بويىنشا مۇناي تاسىمالداۋ توقتاتىلدى. مۇناي جەتكىزۋ ەكىنشى جەلى ارقىلى جالعاستى. ەكىنشى جەلىنىڭ تەحنيكالىق مۇمكىندىكتەرى مۇناي ايداۋدى تولىق كولەمدە قامتاماسىز ەتەدى. 2024 جىلدىڭ قاراشا ايىنىڭ قورىتىندىسى بويىنشا وسى باعىتتا قازاقستاندىق مۇنايدى جەتكىزۋ كەستەگە سايكەس تولىق ورىندالدى»،—دەپ ءتۇسىندىردى مينيسترلىكتىڭ ءباسپاسوز قىزمەتى.
قازىرگى تاڭدا جەلتوقسان ايىنا جوسپارلانعان مۇناي جەتكىزۋ 20-30 جەلتوقسان ارالىعىندا جۇزەگە اسادى دەپ جوسپارلانىپ وتىر.
ەسكە سالايىق، بۇعان دەيىن«درۋجبا» قۇبىرىندا اقاۋ شىققانى تۋرالى جازعان ەدىك.
قازاقستاندىق مۇناي ەكسپورتى ءداستۇرلى تۇردە رەسەي اۋماعى ارقىلى كاسپي قۇبىر كونسورتسيۋمىنىڭ نوۆوروسسيسكىگە دەيىنگى قۇبىر جۇيەسى ارقىلى جۇزەگە اسىرىلدى. رەسەي مەن پولشا ارقىلى گەرمانياعا مۇناي جەتكىزۋ 2023 جىلدىڭ اقپان ايىنىڭ سوڭىندا باستالدى.
