قازاقستان پرەمەر-مينيستر ولجاس بەكتەنوۆ ۇكىمەت وتىرىسىندا جىلىتۋ ماۋسىمىندا تۇرعىن ۇيلەردە ورىن العان ورتتەردىڭ سەبەپتەرىن اتادى، دەپ حابارلايدى "ادىرنا" ۇلتتىق پورتالى.
ول ەلىمىزدە جىلىتۋ ماۋسىمى جاڭا باستالعانىنا قاراماستان، ەل بويىنشا ءار كۇن سايىن ءورت ورىن الىپ جاتقانىن اتاپ ءوتتى.
ء"بىر ايدا پەشتەردى پايدالانۋ سالدارىنان 130-دان استام ءورت تىركەلدى. گازبەن ۋلانۋ جاعدايلارى كوبەيدى، قازا بولعاندار بار. ءبىز مۇنداي جاعدايلاردى ازايتۋىمىز كەرەك. جىلىتۋ ماۋسىمىندا ورىن العان ورتتەردىڭ 50%-ى پەشتەر مەن قۇبىرلاردىڭ دۇرىس جۇمىس ىستەمەۋىنەن بولادى. بىراق ورتتەردىڭ نەگىزگى سەبەپتەرى – پەشتەر مەن قازاندىقتاردى پايدالانۋ كەزىندە ءورت قاۋىپسىزدىگى ەرەجەلەرىنىڭ قاتاڭ بۇزىلۋى", – دەدى بەكتەنوۆ.
سونىمەن قاتار، پرەمەر-مينيستر توتەنشە جاعدايلار مينيسترلىگىنە ءورت قاۋىپسىزدىگىنە قاتىستى بۇزۋشىلىقتاردى جويۋ بويىنشا ءتيىمدى جۇيە قالىپتاستىرۋدى تاپسىردى. ول گاز تەحنيكالىق ينسپەكتسياسىنىڭ وكىلەتتىكتەرىن كۇشەيتۋ كەرەكتىگىن دە اتاپ ءوتتى.
بەكتەنوۆ تجم، ءىىم جانە اكىمدىكتەرگە پروفيلاكتيكالىق جۇمىستاردى جانداندىرۋدى جانە جەرگىلىكتى اكىمدىكتەرمەن بىرلەسە وتىرىپ، تۇرعىن ءۇي سەكتورلارىندا ءورت قاۋىپسىزدىگى بويىنشا ءىس-شارالار ۇيىمداستىرۋدى تاپسىردى. الەۋمەتتىك وسال توپتار ءۇشىن ۇيلەردە مونيتورينگ جۇرگىزۋ قاجەت ەكەنىنە دە توقتالدى. مۇنداي ۇيلەردە ەركىن گاز داتچيكتەرى ورناتىلۋى ءتيىس.
سونداي-اق، پرەمەر-مينيستر گاز باللوندارىنىڭ جارامسىزدىعى ماسەلەسىن كوتەردى، ويتكەنى وسى جىلىتۋ ماۋسىمىندا 8 رەت باللون جارىلىپ، اپاتتار ورىن العان. ول اكىمدىكتەرگە گاز باللوندارىنىڭ قاۋىپسىزدىگىنە نازار اۋدارىپ، ولارعا تەكسەرۋ جۇمىستارىن جۇرگىزۋدى تاپسىردى.
