اقش-تىڭ جاڭا سايلانعان پرەزيدەنتى دونالد ترامپ پەن رەسەي باسشىسى ۆلاديمير پۋتين تەلەفون ارقىلى سويلەستى دەگەن اقپارات شىندىققا جاناسپايدى. مۇنداي مالىمدەمەنى بۇگىن، 11 قاراشادا كرەملدىڭ ءباسپاسوز حاتشىسى دميتري پەسكوۆ جاسادى، دەپ حابارلايدى «ادىرنا» ءتىلشىسى.
«ەشقانداي اڭگىمە بولعان جوق. بۇل جاي عانا جالعان اقپارات»،—دەدى ول.
جۋرناليستەر كرەملدىڭ ءباسپاسوز حاتشىسىنان: «پۋتين اقش-تىڭ جاڭا سايلانعان پرەزيدەنتىمەن جاقىن ارادا قانداي دا ءبىر بايلانىس ورناتۋدى جوسپارلاپ وتىر ما؟» - دەپ سۇرادى. پەسكوۆ ازىرگە ناقتى جوسپار جوق ەكەنىن جەتكىزدى.
بۇعان دەيىن «The Washington Post» گازەتى ەكى ەل باسشىسىنىڭ 7 قاراشا كۇنى اڭگىمەلەسكەنى تۋرالى حابار جاريالاعان بولاتىن. شەتەلدىك باق ترامپتىڭ جاعداي ودان ءارى ءورشىپ كەتپەس ءۇشىن ءپۋتيندى شارا قابىلداۋعا شاقىرعانىن، وعان «ۆاشينگتوننىڭ ەۋروپاداعى اسكەري كۇشى» تۋرالى ەسكەرتكەنىن جازعان ەدى.
