قوستاناي وبلىسىندا كوتەلنايادا جارىلىس بولىپ، 1 ادام زارداپ شەكتى دەپ حابارلايدى "ادىرنا" ۇلتتىق پورتالى.
قوستاناي وبلىسىنىڭ امانگەلدى اۋىلىندا مادەنيەت ءۇيىنىڭ جەكە تۇرعان كوتەلنياسىندا قازاندىق جارىلىپ، عيماراتتىڭ قۇلاۋى ورىن الدى. قۇتقارۋشىلار ۇيىندىلەر استىنان 1969 جىلى تۋعان ەر ادامدى الىپ شىعىپ، ونى جەدەل مەديتسينالىق كومەك قىزمەتىنە تاپسىرعان. كۋاگەرلەردىڭ ايتۋىنشا، عيمارات ىشىندە باسقا ادامدار بولماعان.
وقيعا ورنىندا توتەنشە جاعدايلار دەپارتامەنتىنىڭ قىزمەتكەرلەرى، پوليتسيا جانە جەرگىلىكتى اتقارۋشى ورگاندار جۇمىس ىستەۋدە. جەرگىلىكتى بيلىكتىڭ مالىمدەۋىنشە، 2022 جىلى ورناتىلعان №2 قازاندىق ءۇش ەكىقاباتتى تۇرعىن ءۇي مەن اكىمشىلىك عيماراتتاردى، سونىڭ ىشىندە سوت، مۇراجاي جانە مادەنيەت ءۇيىن جىلۋمەن قامتاماسىز ەتەدى.
جىلۋ جۇيەسىن قايتا قالپىنا كەلتىرۋ ءۇشىن ءبىر جارىم تاۋلىك ىشىندە كونتەينەرلىك تيپتەگى بلوچنو-مودۋلدىك كوتەلنيا ورناتىلادى. وعان قوسا، جىلىتۋ جۇيەسىمەن قوسىلعان ۇيلەرگە جىلۋدى ۋاقىتشا جەتكىزۋ شارالارى قاراستىرىلعان. ەلەكتر قۋاتىندا ۇزىلىستەر جوق.
جەرگىلىكتى بيلىك 1969 جىلعى ەر ادامنىڭ امانگەلدى اۋداندىق اۋرۋحاناسىنا جاتقىزىلعانىن جانە وعان قاجەتتى مەديتسينالىق كومەك كورسەتىلگەنىن مالىمدەدى. سونىمەن قاتار، ساناۆياتسيا جەلىسى بويىنشا ارقالىق قالاسىنىڭ وڭىرلىك اۋرۋحاناسىنا جەتكىزۋ ماسەلەسىن شەشۋ جانە ەمدەۋ شارالارىن تۇزەتۋ ءۇشىن انەستەزيولوگتار بريگاداسى جىبەرىلدى.
