«حۋتور» قىلمىستىق قۇرامىنىڭ جەتەكشىسى دەپ تانىلعان حاسان قاسىمباەۆ قاماۋعا الىندى. اقپاراتتى الماتى وبلىستىق پوليتسيا دەپارتامەنتى راستادى، دەپ حابارلايدى «ادىرنا» ءتىلشىسى.
ەر ادام بىرنەشە جىل بۇرىن جاسالعان قىلمىس ءۇشىن قاماۋعا الىنعان. قازىرگى تاڭدا ول ۋاقىتشا ۇستاۋ يزولياتورىندا وتىر.
پوليتسيا دەپارتامەنتىنىڭ مالىمەتىنشە، حاسان قاسىمباەۆ قىلمىستىق كودەكستىڭ 106-بابىنىڭ 1-بولىگى (دەنساۋلىققا قاساقانا اۋىر زيان كەلتىرۋ) جانە 125-بابىنىڭ 2-بولىگى (ادامدى الدىن الا ءسوز بايلاسۋ ارقىلى توپپەن ۇرلاۋ) بويىنشا تەرگەلىپ جاتىر.
«2024 جىلعى 2 قاراشادا ازامات ق. 2021 جىلدىڭ ماۋسىمىندا ازامات ا.-عا قاساقانا اۋىر زيان كەلتىرۋ جانە ۇرلاۋ كۇدىگىمەن ۋاقىتشا ۇستاۋ يزولياتورىنا قامالدى. قازىرگى ۋاقىتتا قىلمىستاردىڭ بارلىق ءمان-جايلارىن جان-جاقتى، تولىق جانە وبەكتيۆتى زەرتتەۋدى قامتاماسىز ەتۋ ءۇشىن كەشەندى تەرگەۋ ارەكەتتەرى جۇرگىزىلۋدە»، — دەلىنگەن حابارلامادا.
ايتا كەتەيىك، حاسان قاسىمباەۆ تۋرالى مالىمەتتەر 16 جاستاعى شەرزات بولاتتىڭ ولىمىنە قاتىستى شىققان بولاتىن. كەيبىر دەرەككوز ونى «حۋتورس» قىلمىستىق توبىنىڭ جەتەكشىسى دەپ اتادى. الايدا ەر ادامنىڭ ءوزى بۇل ايىپتاۋلاردى جوققا شىعاردى.
