قاراعاندى قالاسىنىڭ ەكس-اكىمى شايمەردەن ورازالينوۆتىڭ ۇلى 78 جاستاعى اناسىن اياۋسىز ۇرعانى ءۇشىن سوتتالدى. بۇل تۋرالى قازىبەك بي اۋداندىق سوتىنىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
سوتقا دەيىنگى تەرگەپ-تەكسەرۋ ورگاندارى ەر ادامدى 1946 جىلى تۋعان اناسىنىڭ دەنەسىن ادەيى جاراقاتتاپ، دەنساۋلىعىنا ورتاشا اۋىرلىقتاعى زيان كەلتىرگەنى ءۇشىن جانە دارمەنسىز كۇيدە قالدىرعانى ءۇشىن قىلمىستىق كودەكستىڭ 107-بابى 2-بولىگى 3-تارماعى بويىنشا ايىپ تاقتى.
ەر ادام كەيۋانامەن جالجالداسىپ، ونىڭ باسىنان، دەنەسىنەن ۇرىپ تەپكەن. سالدارىنان ايەلدىڭ ميى شايقالىپ، بەتى جاراقاتتانعان. سونداي-اق قابىرعالارى مەن ومىرتقاسى سىنعان.
ءابىل ءورازالينوۆتىڭ كىناسى جابىرلەنۋشىنىڭ، كۋاگەرلەردىڭ (كورشىلەردىڭ) ايعاقتارىمەن، ساراپتامالاردىڭ قورىتىندىلارىمەن جانە ءىستىڭ باسقا ماتەريالدارىمەن دالەلدەندى.
سوت ونى 3 جىلعا سوتتاپ، جازاسىن قاۋىپسىزدىگى ورتاشا مەكەمەدە وتەۋگە ۇكىم شىعاردى. سونىمەن قاتار سوتتالۋشىدان 1 ملن تەڭگە كولەمىندە مورالدىق زيان سوماسى، سونداي-اق ادۆوكاتتارعا تولەنگەن شىعىندار ءوندىرىلدى.
