زاڭگەر جاننا ۋرازباحوۆا شىمكەنتتىڭ ەكس-اكىمى مۇرات ايتەنوۆتىڭ اعاسى مارات ايتەنوۆتىڭ وتباسىنا جاساعان ارەكەتىنە قاتىستى پوليتسيانىڭ بەرگەن اقپاراتىنا شۇيلىكتى، دەپ حابارلايدى “ادىرنا” ۇلتتىق پورتالى.
«قايداعى اكىمشىلىك ءىس؟؟؟ ونىڭ ارەكەتىندە دەنساۋلىققا قاساقانا زيان كەلتىرۋ جانە وزبىرلىق بار! بۇل قىلمىستىق قۇقىق بۇزۋشىلىقتار! ول ءوزى بۇل ءۇي وزىنىكى ەمەس ەكەنىن ايتتى. بۇل ونىڭ دوسىنا تيەسىلى ەكەن، سوندا ول وندا نە ىستەپ ءجۇر، ايەل مەن بالالاردى ماجبۇرلىكپەن قۋىپ وتىرعانى قالاي؟» – دەيدى زاڭگەر جاننا ۋرازباحوۆا وقيعاعا قاتىستى پوليتسيانىڭ بەرگەن حابارلاماسىن سىناپ.
ۋرازباحوۆا جەلىدە بولىسكەن پوليتسيا تۇسىنىكتەمەسىندە «اكىمشىلىك ءىس قوزعالدى» دەلىنگەن. مارات ايتەنوۆتىڭ ءوزى ۋاقىتشا ۇستاۋ يزولياتورىنا قامالدى، دەنە كۇشىن قولدانۋ فاكتىسى بويىنشا سوتقا دەيىنگى تەرگەۋ باستالدى، پوليتسيا قىزمەتكەرلەرىنىڭ ارەكەتىنە قاتىستى قىزمەتتىك تەكسەرىس جۇرگىزىلۋدە.
استانا پوليتسيا دەپارتامەنتىنىڭ ءباسپاسوز قىزمەتى بۇرىنعى جۇبايى ا.-عا قاتىستى سوتقا دەيىنگى تەرگەپ-تەكسەرۋ جۇمىستارىنىڭ بۇرىنعى ەرلى-زايىپتىلاردىڭ اراسىندا بولعانىن حابارلادى. ساراپتاما تاعايىندالدى، ونىڭ قورىتىندىسى بويىنشا پروتسەسسۋالدىق شەشىم قابىلدانادى.
ەستەرىڭىزگە سالا كەتەيىك، شىمكەنتتىڭ بۇرىنعى اكىمى مۇرات ايتەنوۆتىڭ اعاسى مارات ايتەنوۆ بۇرىنعى ايەلى مەن بالالارىن ۇيدەن كۇشتەپ قۋىپ شىققان بولاتىن.
