ەۋروپاداعى ەڭ بيىك بەلسەندى جانارتاۋ ەتنا سيتسيليا ارالىندا اتقىلاي باستادى. جانارتاۋدىڭ ۇلكەن كراتەرلەرىنىڭ ءبىرى ويانىپ، كۇل مەن ءتۇتىن باعاندارىن تەڭىز دەڭگەيىنەن 4500 مەتر بيىكتىككە لاقتىرىپ جىبەردى.
ىستىق لاۆا اعىندارى 3300 مەتر بيىكتىكتەگى بەتكەيلەردەن اعىپ كەتتى.
ەتنانىڭ بەلسەندىلىگى قالىپتى بولعانىمەن، يتاليا بيلىگى جاعداي كۇرت ناشارلاۋى مۇمكىن دەپ قورقىپ، جەر استى ءدۇمپۋىنىڭ دابىل دەڭگەيىن جاسىلدان سارىعا دەيىن كوتەردى.
ەتنانىڭ بيىكتىگى 3357 مەتر جانە لاۆا ۇنەمى اتقىلاپ تۇراتىن 200-دەن 400-گە دەيىن ءبۇيىر كراتەرى بار.
سونىمەن قاتار، تيررەن تەڭىزىندەگى ەول ارالدارى ارحيپەلاگىنداعى سترومبولي جانارتاۋى دا اتقىلاي باستادى.
