شىرايلى شىمكەنت قالاسى كۇن وتكەن سايىن گۇلدەنىپ كەلەدى. ويتكەنى جىلداعىداي ەمەس، اباتتاندىرۋ، كوگالداندىرۋ جۇمىستارىنا قىزمەتكەرلەردەن بولەك، قالا تۇرعىندارى دا ءبىر كىسىدەي اتسالىسۋدا.
بۇل اپتادا «ونەگەلى ۇرپاق»ناۋقانى بويىنشا ىلكىمدى ىستەر جۇزەگە اسقان. سونىڭ ءبىرى ءال-فارابي اۋدانىنا قاراستى «دوستىق اۋلاسىندا» ۇيىمداستىرىلدى. قازىبەك بي 6 كوشەسىندەگى تۇرعىن-ءۇي القابىنىڭ كولەمى ۇلكەن جانە ارداگەرلەر كوپ. سوندىقتان وسى اۋماقتا تازالاۋ جۇمىستارىن جۇرگىزۋ جوسپارلانعان. شاراعا 10 -نان اسا تەحنيكا مەن 200 -گە جۋىق قىزمەتكەرلەر جۇمىلدىرىلىپ بەلگىلەنگەن نىساندى تولىقتاي تازارتتى.
- «تازا قازاقستان» اكتسياسى باستالعالى وڭ وزگەرىستەردى بايقايمىز. حالىق كوپ شوعىرلاناتىن ورىنداردا تازالىق دەڭگەيى ءبىرشاما وسكەن. قۋانتارلىعى بۇل شاراعا جوو-نىڭ ستۋدەنتتەرى كوپ قاتىسادى. جاستاردىڭ بەلسەندىگىلى تەك وقۋ-عىلىمنان ەمەس، قوعامدىق جۇمىستاردان دا جوعارى دەڭگەيدە كورىنۋدە. ۇرپاعىمىزدىڭ سانالى، تاربيەلى، تازالىققا جاقىن بولۋى ءۇشىن بىزدەر ارقاشان ۇلگى بولاتىن يگى ىستەردىڭ باسى-قاسىندا ءجۇرۋىمىز كەرەك،- دەيدى قالالىق ءماسليحاتتىڭ دەپۋتاتى تورەايىم سۇلتانوۆا.
ونەگەلى ءىستى دارىپتەۋ تەك ءبىر كۇنمەن شەكتەلمەسى انىق. الداعى ۋاقىتتا قالا تۇرعىندارىنا قۋانىش سىيلاعىن اكتسيا جالعاسىن تابا بەرمەك.
