12 ساۋىردە قازاقستاندا وزدەرىنىڭ كاسىبي مەرەكەلەرى – عىلىم قىزمەتكەرلەرى كۇنىن عىلىمي ورتانىڭ وكىلدەرى اتاپ ءوتتى. بۇل مەرەكەنى ءدال وسى كۇنى اتاپ ءوتۋ كەزدەيسوق تاڭدالعان جوق. بۇل كۇن 1946 جىلى قازاق كسر عىلىم اكادەمياسىنىڭ تۇڭعىش پرەزيدەنتى، اكادەميك قانىش يمانتايۇلى ساتپاەۆتىڭ قازاقستاندا عىلىمي قىزمەتتى ۇيىمداستىرۋدىڭ باستاۋىندا تۇرعان ادامنىڭ تۋعان كۇنىمەن بايلانىستى.
عىلىم كۇنى اياسىندا 11 – 12 ساۋىردە قاراعاندى قالاسىنداعى قازتۇتىنۋوداعى ۋنيۆەرسيتەتىندە «قازىرگى زامانعى جاستار: يننوۆاتسيالاردى قۇرۋ – بولاشاققا ۇمتىلامىز» IX حالىقارالىق ستۋدەنتتەر سلەتى وتكىزىلدى.
سلەتتىڭ ماقساتى – جاس زەرتتەۋشىلەردىڭ ءوزىن-ءوزى تانىتۋىنا، كاسىبي جانە شىعارماشىلىق دامۋىنا جاعداي جاساۋ، ساندىق ترانسفورماتسيا جاعدايىندا تالانتتى جاستاردى انىقتاۋ جانە قولداۋ.
حالىقارالىق سلەت جۇمىسىنا قازاقستاننىڭ 100-دەن اسا جانە الىس، جاقىن شەتەلدەردىڭ 20-دان استام جوعارى وقۋ ورىندارىنىڭ ستۋدەنتتەرى قاتىستى.
ستۋدەنتتەردىڭ حالىقارالىق سلەت باعدارلاماسى دوكتورانتتاردىڭ، ماگيسترانتتاردىڭ جانە ستۋدەنتتەردىڭ حالىقارالىق عىلىمي-پراكتيكالىق كونفەرەنتسياسى: «جاستار جانە عىلىم: دامۋدىڭ جاڭا كوزقاراسى مەن ديالەكتيكاسى» عىلىمي مەكتەپتەرىنىڭ قامقورلىعىمەن، ە.ع.د.، پروفەسسور ە.ب. ايماعامبەتوۆ، ە.ع.د.، پروفەسسور ا.ا. الىمباەۆ، ە.ع.د.، پروفەسسور م.گ. لەرنەردىڭ قاتىسۋىمەن وتكەن جيىندى قامتىدى. سونىمەن قاتار، «يننوۆاتسيالىق جوبالار: بولاشاققا كوزقاراس» يننوۆاتسيالىق جوبالار كونكۋرسى ءوتتى.
حالىقارالىق عىلىمي-پراكتيكالىق كونفەرەنتسيا بارىسىندا تالقىلاناتىن ماسەلەلەر ۇلتتىق قۇرىلتاي وتىرىسىندا پرەزيدەنت قاسىم-جومارت توقاەۆتىڭ تەز وزگەرىپ جاتقان الەمدە ءبىزدىڭ ۇلتىمىزدىڭ باسەكەگە قابىلەتتىلىگىنىڭ كەپىلى بولىپ تابىلاتىن جاسامپازدىق پەن جاڭاشىلدىق سياقتى قۇندىلىقتاردى اتاپ كورسەتۋى تۇرعىسىنان ەرەكشە وزەكتى بولىپ وتىر. پرەزيدەنت ءوز سوزىندە:«پروگرەسسيۆتى مەملەكەت قۇرۋ ءۇشىن ازاماتتارىمىزدىڭ جاسامپازدىق پەن يننوۆاتسيالىق ويلاۋعا دەگەن ۇمتىلىسىن جۇزەگە اسىرۋى قاجەت. سوندىقتان دا ءبىز قوعامدا بىلىمگە تابىنۋدى جوسپارلى تۇردە ورنىقتىرىپ، ءبىلىم مەن عىلىمدى دايەكتى تۇردە دامىتىپ كەلەمىز. ادامي كاپيتالعا سۇيەنە وتىرىپ، ءبىز بەلگىلەگەن بارلىق اۋقىمدى وزگەرىستەردى ىسكە اسىرا الامىز» دەگەن بولاتىن.
«جاستار جانە عىلىم: دامۋدىڭ جاڭا پايىمى مەن ديالەكتيكاسى» اتتى دوكتورانتتاردىڭ، ماگيسترانتتاردىڭ جانە ستۋدەنتتەردىڭ IX حالىقارالىق عىلىمي-پراكتيكالىق كونفەرەنتسياسىنىڭ جەڭىمپازدارىنىڭ ءتىزىمى تومەندەگىدەي. 
- شاۆرينا كريستينا الەكساندروۆنا، كولەسنيكوۆا ماريا دميتريەۆنا – «بەلگورود مەملەكەتتىك ۇلتتىق زەرتتەۋ ۋنيۆەرسيتەتىنىڭ» ستۋدەنتتەرى;
- گورگولا ارتەم دميتريەۆيچ – ن.گ. چەرنىشەۆسكي اتىنداعى ساراتوۆ ۇلتتىق زەرتتەۋ مەملەكەتتىك ۋنيۆەرسيتەتىنىڭ ستۋدەنتى;
- Yaren Varol – Pazmany Peter Catholic Univeristy (Budapest, Hungary), Faculty of Humanities and Social Sciences;
- يسايان ستەپا ارمەنوۆيچ – ۇكىمەت جانىنداعى قارجى ۋنيۆەرسيتەتىنىڭ ستۋدەنتى;
- جاقىپوۆا جانۇيا جاراسقىزى – قازاق اگروتەحنيكالىق ۋنيۆەرسيتەتىنىڭ ستۋدەنتى س. سەيفۋللين اتىنداعى;
- نۇرلانوۆا ارۋانا مۇحيتقىزى – اكادەميك ە.ا. بوكەتوۆ اتىنداعى قاراعاندى ۋنيۆەرسيتەتىنىڭ ستۋدەنتى;
- شوحامانوۆا ارايلىم مۇراتقىزى – يننوۆاتسيالىق مەنەدجمەنت بپ 2 كۋرس دوكتورانتى;
- سىزدىقوۆ تەمىرلان نۇرلانۇلى – قازتۇتىنۋوداعى قاراعاندى ۋنيۆەرسيتەتىنىڭ ستۋدەنتى;
- جاقسىلىقوۆ ايزات – قازتۇتىنۋوداعى قاراعاندى ۋنيۆەرسيتەتىنىڭ ستۋدەنتى.
ستۋدەنتتەردىڭ حالىقارالىق سلەتى جاستاردىڭ الداعى ۋاقىتتا جاڭا داۋىردە عىلىمي الەۋەتتى ارتتىرۋعا باعىتتالعان جاڭا بىلىممەن الماسۋعا، جاس عالىمدار اراسىنداعى عىلىمي بايلانىستاردى دامىتۋعا سىندارلى ديالوگ الاڭىنا اينالۋى بەك مۇمكىن.
