ولجاس ساكەنوۆ «بولاشاق» حالىقارالىق باعدارلامالار ورتالىعىنىڭ باسقارما توراعاسى بولىپ تاعايىندالدى. بۇل تۋرالى عىلىم جانە جوعارى ءبىلىم مينيسترلىگىنىڭ ءباسپاسوز قىزمەتى حابارلادى، دەپ جازادى “ادىرنا” ۇلتتىق پورتالى.
1984 جىلى اقمولا وبلىسىندا دۇنيەگە كەلگەن. ش. ءۋاليحانوۆ اتىنداعى كوكشەتاۋ مەملەكەتتىك ۋنيۆەرسيتەتىن بىتىرگەن. سونداي-اق، «بولاشاق» باعدارلاماسى ارقىلى پەنسيلۆانيا ۋنيۆەرسيتەتىنىڭ ماگيستراتۋراسىندا «حالىقارالىق ءبىلىم بەرۋدى دامىتۋ» ماماندىعى بويىنشا ءبىلىم العان.
پرەزيدەنتتىك جاستار كادرلىق رەزەرۆىنىڭ مۇشەسى.
ولجاس ساكەنوۆتىڭ «قازپوشتا» اق، «سامۇرىق-قازىنا» اق كومپانيالارىندا، ءبىلىم بەرۋ سالاسىنداعى ۇيىمداردا جۇمىس تاجىريبەسى بار. «دەنساۋلىق ساقتاۋدى دامىتۋ رەسپۋبليكالىق ورتالىعى» رمك-نىڭ ينۆەستيتسيالىق جوبالار ورتالىعىن باسقاردى.
باسقارما توراعاسى لاۋازىمىنا تاعايىندالعانعا دەيىن بولون پروتسەسى جانە اكادەميالىق ۇتقىرلىق ورتالىعىندا قىزمەت اتقاردى. قازاق، ورىس جانە اعىلشىن تىلدەرىن مەڭگەرگەن.
“ادىرنا” ۇلتتىق پورتالى
