12 қаңтар күні Түлкібаста ғалым Мекемтас Мырзахметұлының жаназасы шығарылып, ас берілді, деп хабарлайды «Адырна» ұлттық порталы.
Жаназа рәсіміне Қазақстан Республикасы Президентінің кеңесшісі Мәлік Отарбай, Түркістан облысының әкімі Нұралхан Көшеров, Парламент Сенатының депутаты Дархан Қыдырәлі қатысты.
Мекемтас Мырзахметұлы Түлкібас ауданы, Майтөбе ауылы, «Шөлтөбе» мазаратына жерленді.
Еске сала кетейік, 2025 жылдың 11 қаңтарында Қазақстан ғылымының ірі тұлғасы, филология ғылымдарының докторы, профессор, абайтанушы және бауыржантанушы ғалым Мекемтас Мырзахметұлы 95 жасына қараған шағында дүниеден өтті.
