Батыс Қазақстанда қос балақай велосипедіне жалауша іліп, Әнұран шырқады, деп хабарлайды “Адырна” ұлттық порталы ҚазАқпаратқа сілтеп.
Қаратөбе ауылында алты жастағы Ақылбек Әнұран шырқап жүр.
«Аты Ақылбек, жалауды велосипедіне әкесі қондырып берген болып шықты. Қасындағы баланың есімі Қуаныш екен. «Еліміздің Әнұранын білесіңдер ме?» деп едім, қолдарын жүрек тұсына қойып, шырқай жөнелді. Осы бейнежазбаны Фейсбук әлеуметтік желісіндегі парақшама жүктеп едім, қос балақайдың тәтті қылығы көпшілікті сүйсіндірді. Патриот балаларға ризашылығын білдіріп, ақ тілегін жаудырғандар аз болған жоқ», - дейді Қаратөбе аудандық ішкі саясат бөлімінің басшысы Нұртас Сафуллин.
