كوكشەتاۋدا سۋ تاسقانىنا بايلانىستى توتەنشە جاعداي جاريالاندى. بۇل تۋرالى قالا اكىمى باۋىرجان عايسا ايتتى، دەپ حابارلايدى «ادىرنا» ءتىلشىسى.
شاھار باسشىسى قىلشاقتى وزەنىندەگى سۋدىڭ دەڭگەيى شامادان تىس كوتەرىلۋى تۇرعىنداردىڭ ءومىر سۇرۋىنە قولايسىزدىق تۋعىزعانىن مالىمدەدى.
«جاعدايدى تۇراقتاندىرۋ ءۇشىن توتەنشە جاعداي ەنگىزىلدى. سونىڭ شەڭبەرىندە كەلتىرىلگەن شىعىن كولەمى انىقتالىپ، كوميسسيا ارقىلى ماتەريالدىق كومەك ماسەلەسى شەشىلەتىن بولادى. سۋ تاسقىنىنان كەلتىرىلگەن زالالداردى جويۋ بويىنشا جەدەل شتاب قۇرىلدى. سۋ باسقان ايماقتارداعى تۇرعىنداردى ەۆاكۋاتسيالاۋ جۇمىستارى جۇرگىزىلۋدە، قازىرگى كەزدە 100 جۋىق ادام ارنايى دايىندالعان ورىندارعا ورنالاستىرىلدى. جەرلەستەرىمە جاعدايدى تۇسىنگەنىڭىز ءۇشىن جانە سۋ تاسقىنىنا قارسى كۇرەستە قولدان كەلگەنشە كومەك كورسەتكەنىڭىز ءۇشىن العىس ايتامىن»،—دەدى ول.
باۋىرجان عايسا زارداپ شەككەندەرگە كومەك كورسەتىلەتىنىن اتاپ ءوتتى.
«تۇرعىندار 8 775 666 99 08 ءنومىرى ارقىلى ءوتىنىش بەرە الادى»،—دەدى كوكشەتاۋ اكىمى.
