"Ақтаурантехсервис" ЖШС қызметкерлері Ұлттық мереке қарсаңында өздеріне сыйақы берілуін талап етеді, деп хабарлайды “Адырна” ұлттық порталы Lada.kz порталына сілтеме жасап.
Олар Маңғыстау облысындағы Жетібай және Қаламқас кен орындарында жұмыс істейді.
Жұмысшылардың сөздерінше, мұнай компаниялары қызметкерлеріне 50 АЕК төлеп қойған. Мұнайшылар "Қазмұнайгаз" мен "Маңғыстаумұнайгаз" басшыларынан өздеріне де осындай жағдай жасауды талап етеді.
"Біз, дала еңбеккерлері, мұны әділетсіздік деп санаймыз. "Қазмұнайгаз" және "Маңғыстаумұнайгаз" компаниялары мұнай саласындағы өз қызметкерлеріне берілген ақыларын біз де алуымыз керек деп санаймыз. Сондықтан "Ақтаурантехсервис", "ТрансАвис" және "ҚаламқасГаз" ЖШС-нің барлық жұмысшылары мерекелік cыйақы төлеуді талап етеді!", - делінген бейнемәлімдемеде.
