Qoǵamdyq-saıası baǵyttaǵy «Vremıa» gazetiniń bas redaktory, qazaqstandyq jýrnalıst 58 jasynda Lev Tarakov ómirden ótti, dep habarlaıdy "Adyrna" ulttyq portaly.
Bul týraly Mádenıet jáne aqparat mınıstri Aıda Balaeva facebook paraqshasynda jazdy.
"Lev Iýrevıch – kórnekti medıamenedjer, shyǵarmashyl jan, talantty tulǵa jáne tamasha pýblııst edi.
Kóp jyldar boıy ony jeke tanyp, qyzmettik máselelerde birlese jumys istep, jyly qarym-qatynasta bolǵanyma qurmetpen qaraımyn. Búgin Táýelsiz Qazaqstan jýrnalıstıkasynyń kóginde taǵy bir jaryq juldyz sóndi. Marqumnyń týǵan-týystary men jaqyndaryna qaıǵyryp kóńil aıtamyn. Qaıǵylaryńyzǵa ortaqpyn" - dep jazdy ol.
Lev Tarakov – jýrnalıstıka áýletinen shyqqan tulǵa. Kıevtegi joǵary áskerı-teńiz saıası ýchılıesin támamdaǵan. Eńbek jolyn Soltústik flotta ofıer bolyp bastaǵan. Ár jyldary ol Qazaqstannyń baspasóz jáne buqaralyq aqparat quraldary mınıstrliginde, Prezıdent janyndaǵy Qazaqstan strategııalyq zertteýler ınstıtýtynda basshylyq qyzmetter atqarǵan, sondaı-aq «Izvestııa-Kazahstan» gazetiniń bas redaktory bolǵan.
