Talǵarlda kisi qolynan qaza tapqan Sherzat polattyń ólimine qatysty qylmystyq is sotqa tústi, dep habarlaıdy "Adyrna" ulttyq portaly.
Endi jábirlenýshilerdiń múddelerin jańa zańgerler toby qorǵaıtyn bolady. Al buǵan deıingi qorǵaýshylar – Saıda Taýkelova men Aıtbek Amangeldi iske qatyspaıdy.
Jábirlenýshilerdiń advokaty Jandos Palmanovtyń aıtýynsha, qylmystyq is aıyptaý aktisi negizinde Almaty oblysynyń prokýratýrasy arqyly sotqa jiberilgen.
«Qylmystyq is aıyptaý aktisi negizinde sotqa joldandy. QR Qylmystyq-proestik kodeksiniń 201-babyna sáıkes, istiń basqa málimetteri jarııalanbaıdy. Degenmen jańa qorǵaýshylar toby prokýratýra arqyly istiń kóshirmesin suratyp aldy», – dedi Palmanov.
Sot 62 tomdyq qylmystyq is materıalyn qabyldaǵanyn rastady.
Sherzat Polattyń otbasyn qorǵaıtyn advokattar:
Meırman Shekeev
Alım Mustafaev
Bekzat Mııazov
Jandos Palmanov
Bagdat Amandosuly
Nýrbolat Ibraev
Dına Dosaeva.
Sot kabıneti derekterine sáıkes, istiń materıaldary 26 naýryzda túsken. Qylmystyq is boıynsha aıyptalýshylardyń sany – toǵyz.
Buǵan deıin is boıynsha 11 aıyptalýshy bar ekeni habarlanǵan bolatyn.
