Chehııanyń soltústik-batysyndaǵy Most qalasyndaǵy meıramhanada bolǵan órt saldarynan alty adam qaza taýyp, segiz adam kúıik jaraqatymen aýrýhanaǵa jetkizildi. Shamamen 30 adam evakýaııalandy, dep habarlaıdy «Adyrna» ulttyq portaly Euronews-ke silteme jasap.
Polıııa men órt sóndirýshiler oqıǵanyń sebebi gaz jylytqyshynyń jarylýy ekenin málimdedi.
"Órt tún ortasynda bastaldy, meıramhana áli ashyq bolǵan. Ony aýyzdyqtaý úshin 60-tan astam órt sóndirýshi birneshe saǵat jumys istedi", – delingen habarlamada.
Deutsche Welle agenttigi AFP-ge silteme jasap, órttiń meıramhananyń aǵash terrasasynda bastalǵanyn habarlady. Jalyn tez arada búkil ǵımaratty sharpyǵan. Alǵashqy órt sóndirýshiler kelgende, meıramhana tolyqtaı otqa oranǵan.
Órtpen kúres bir saǵattan astam ýaqytqa sozylǵan. Túngi 01:00-den keıin órtti lokalızaııalaý múmkin bolǵan. Oqıǵa ornynan alty adamnyń máıiti tabyldy. Taǵy segiz adam túrli dárejedegi kúıikpen Praga, Most jáne Ýstı-nad-Labem qalalaryndaǵy aýrýhanalarǵa jetkizildi.
Sondaı-aq, kórshiles kópqabatty úıden shamamen 30 adam evakýaııalanǵany aıtyldy.
Ishki ister mınıstri Vıt Rakýshan jeksenbi kúni oqıǵa ornyna bardy.
Most qalasynyń meri Marek Hrvol bul jaǵdaıdy qalanyń jańa tarıhyndaǵy eń qaıǵyly oqıǵa dep atady.
