Shymkentte Qańtar oqıǵasy kezinde basyna jáne ishine oq tıip, kóz jumǵan 17 jastaǵy Abylaı Ergeshtiń denesi bir jarym aıdan keıin ǵana tabylǵan, dep habarlaıdy "Adyrna" ulttyq portaly Azattyq radıosyna siltep.
Azattyqtyń málimetinshe, Abylaı Ergesh Shymkenttegi Ózbekáli Jánibekov atyndaǵy mektepte oqyp, keıin kolledjge túsken. Onyń anasy Janar Dúısebaeva Abylaıdyń jalǵyz ul bolǵanyn aıtady. 6 qańtar kúni jappaı narazylyq kezinde ol úıinen shyqqan. Janar balasyn aýrýhanalar men polıııa bólimshelerinen izdep tappaı, tek 19 qańtarda ǵana onyń óli denesin máıithanadan tapqanyn habarlady.
Abylaı Ergeshtiń denesi 20 qańtar kúni jerlengen. Keıinirek onyń ústinen "jappaı tártipsizdik" babymen is qozǵalǵany belgili boldy. Tergeý málimetteri boıynsha, Abylaı 6 qańtar kúni jaraqat alyp, aýrýhanaǵa jetkizilgen, biraq dárigerler onyń ómirin saqtap qala almaǵan.
"22 qańtar balamnyń týǵan kúni. 18 jasqa tolǵannan keıin shetelge jumys isteýge ketemin dep daıyndalyp júrdi. Qujattaryn da alǵan. Qalada mıtıng bastalǵanda “Eshqaıda barma” dedim. “Mam barmaımyn” degen. Sońǵy sóıleskenimiz — osy”, - dep eske aldy marqum jas jigittiń anasy.
