Jańa jyl qarsańynda Mańǵystaý oblysynyń ákimi Nurdáýlet Qılybaı Halyk bankti óńirdiń áleýmettik-ekonomıkalyq damýyna qosqan úlesi úshin basqarma tóraıymy Úmit Shaıahmetovany alǵys hatpen marapattady.
Mańǵystaý oblysy Qazaqstan ekonomıkasynda mańyzdy ról atqarady. Búginde Halyk bank ShOB sektorynyń 50%-dan astamyna nesıe berip otyr. Osylaısha, bank oblystaǵy kásipkerlikti damytýǵa qoldaý kórsetip keledi. Sondaı-aq, Halyk óńirdegi ótkir áleýmettik máselelerdi sheshýge belsendi qatysady.
Mysaly, 2023 jyly Mańǵystaý oblysynyń ákimdigi men "Halyq" qaıyrymdylyq qory arasynda 4,4 mlrd teńgege yntymaqtastyq týraly Memorandýmǵa qol qoıylǵan bolatyn. Qarajat Beıneý astyq termınalynyń jumysyn qaıta jandandyrýdy qarjylandyrý, Jańaózen qalasynda tuylandyrý qondyrǵysynyń qurylysyna demeýshilik jasaý jáne Túpqaraǵan aýdany Aqshuqyr aýylynda sýdy tuylandyrý zaýytynyń qurylysy sııaqty áleýmettik mańyzy bar jobalardy iske asyrýǵa arnalǵan. Sondaı-aq, qalada dene shynyqtyrý-saýyqtyrý keshenin salý josparlanyp otyr. Jańaózen jáne Mańǵystaý oblysyndaǵy birqatar balalar sport-oıyn alańdary jáne Beıneý aýylyndaǵy 3 mektepti jańartý josparda bar.
Aıta keteıik, aımaqtaǵy aýqymdy sý tasqyny kezinde Halyk apattardyń zardaptaryn joıýǵa alǵashqylardyń biri bolyp zardap shekkenderge turǵyn úıdi qalpyna keltirýge jáne satyp alýǵa aqshalaı qarajat jumsap qana qoımaı, olarǵa rekordtyq merzimde ataýly tólemderdi qamtamasyz etken bolatyn.
