Grýzııa astanasy Tbılısıde 4 kún ishinde sherýge shyqqan 224 adam ustaldy. Bul týraly búgin, 2 jeltoqsanda eldiń ishki ister mınıstrligi aıtty, dep habarlaıdy «Adyrna» tilshisi.
Demonstranttar Eýroodaqqa qosylý týraly kelissózderdi toqtatqan úkimetke narazylyq bildirip otyr. Olar Tbılısı ortalyǵyndaǵy Rýstavelı jáne Kostava dańǵylyn jaýyp tastaǵan bolatyn.
Ustalǵan azamattar usaq buzaqylyq jasady dep aıyptalýda. Sot qazirdiń ózinde 36 adamǵa aıyppul saldy, taǵy 34 adam ákimshilik qamaýǵa alyndy. Al sotqa barlyǵy 98 adamǵa qatysty materıal kelip tústi.
Polıııanyń málimetinshe, tártipsizdik saldarynan ishki ister mınıstrliginiń 113 qyzmetkeri zardap shekken. Olardyń tórteýi aýrýhanaǵa jatqyzyldy.
Aıta keteıik, Grýzııa úkimeti 28 qarashada Eýroodaqqa qosylý týraly kelissózdi 4 jyl merzimge toqtata turýdy uıǵarǵanyn habarlaǵan. Bul sheshim kópshilikke unamady. Tbılısıdegi sherýler barysynda sherýshiler men polıııa arasynda qaqtyǵys órship, jaǵdaı ýshyǵa tústi.
