28 qarasha kúni UQShU Ujymdyq qaýipsizdik keńesiniń otyrysy ótedi. Bul týraly búgin uıymnyń baspasóz qyzmeti aıtty, dep habarlaıdy «Adyrna» tilshisi.
«2024 jylǵy 28 qarasha kúni Astanada Syrtqy ister mınıstrleri keńesiniń, Qorǵanys mınıstrleri keńesiniń jáne Qaýipsizdik keńesteri hatshylary komıtetiniń birlesken otyrysy, sondaı-aq UQShU Ujymdyq qaýipsizdik keńesiniń otyrysy ótedi», - delingen habarlamada.
Is-sharada ujymdyq qaýipsizdik óńirlerindegi ózekti máseleler boıynsha pikir almasý, Uly Jeńis kúniniń 80 jyldyǵyn birlesip merekeleý josparlaryn talqylaý kózdelip otyr. Sondaı-aq Qyrǵyzstan 2025 jyly UQShU-ǵa tóraǵalyq etý kezeńindegi basymdyqtaryn usynatyn bolady.
Buǵan deıin Memlekettik kúzet qyzmeti UQShU ujymdyq qaýipsizdik keńesi otyrysyn ótkizý jáne oǵan ázirlik aıasynda 27-28 qarasha kúnderi elorda kósheleriniń jekelegen bóliginde kólik quraldarynyń júrýine ýaqytsha shekteý qoıylatynyn aıtqan edi.
