Fılıppın vıe-prezıdenti Sara Dýterte el prezıdenti Ferdınand Markosqa qastandyq jasaýǵa kıller jaldaǵanyn málimdedi, dep habarlaıdy «Adyrna» ulttyq portaly CBS News-ke silteme jasap.
Sara Dýterte prezıdentti, onyń jubaıyn jáne Ókilder palatasynyń spıkerin óltirý úshin kıller jaldaǵanyn aıtyp, "bul ázil emes" dep qosty.
Prezıdenttiń qaýipsizdik qyzmeti Markos pen onyń otbasynyń qaýipsizdigin kúsheıtti. Vıe-prezıdenttiń bul málimdemesi ulttyq qaýipsizdikke qaýip retinde baǵalandy.
Dýterte men Markos 2022 jylǵy prezıdent saılaýynda bir komandada jeńiske jetkenimen, keıin saıası kelispeýshilikterge baılanysty aralary sýyp ketken. Sara Dýterte Markos pen onyń jaqtastaryn sybaılas jemqorlyqqa, saıası qýdalaýǵa jáne óz jaqtastaryna qysym kórsetýge aıyptady.
Qaqtyǵys Ókilder palatasynyń Dýterteniń ákimshiligin tekserý maqsatynda onyń basshysy Zýleıka Lopesti qamaýǵa alýynan keıin ýshyǵa tústi. Lopeske qarsy tergeý bıýdjettiń durys paıdalanylmaýy týraly kúdikpen bastalǵan edi.
Sara Dýterte Markosty "biliksiz" dep atap, onyń áıeli men spıkerdi "ádepsiz sózder qoldandy" dep aıyptady.
