2024 jylǵy 14 qarashada Astana qalasynda «Adal Urpaq» erikti mektep klýbtarynyń qalalyq sletiniń aqtyq kezeńi sátti ótti. Is-shara barysynda qala mektepteriniń oqýshylary sybaılas jemqorlyqqa qarsy kúres jáne adaldyq qaǵıdattaryn nasıhattaıtyn teatrlandyrylǵan qoıylymdaryn usyndy.
Slet eki kezeńnen turdy: irikteý jáne aqtyq kezeńder. Irikteý kezeńderi qalanyń ár aýdanynda ótkizildi, nátıjesinde úzdik dep tanylǵan 10 mektep aqtyq kezeńge ótti. Ár mektep óz qoıylymynda «Jemqorlyqsyz ómir – Adal ómir» taqyrybyn ashyp, ádildik pen ar-namys qaǵıdalaryn kórsetti.
Is-sharany uıymdastyrýǵa Astana qalasy Ishki saıasat basqarmasy, QR Sybaılas jemqorlyqqa qarsy is-qımyl agenttiginiń Astana qalasy boıynsha departamenti, Astana qalasynyń Bilim basqarmasy jáne «Qaraǵandy oblysynyń jastar men balalar uıymdarynyń odaǵy» jastar qoǵamdyq birlestigi qoldaý kórsetti.
Aqtyq kezeńniń nátıjesi boıynsha júldeli oryndar kelesideı bólindi:
- 1 oryn jáne 100 000 teńgelik sertıfıkat – Muqaǵalı Maqataev atyndaǵy №74 mektep-gımnazııasy;
- 2 oryn jáne 50 000 teńgelik sertıfıkat – Abaı Qunanbaıuly atyndaǵy №87 mektep-gımnazııasy;
- 3 oryn jáne 30 000 teńgelik sertıfıkat – Dinmuhamed Qonaev atyndaǵy №66 mektep-lıeıi.
Barlyq qatysýshy mektepter belsendi qatysqany úshin dıplomdarmen marapattaldy. Bul slet jastardy sybaılas jemqorlyqqa qarsy kúreske, adaldyq pen ádildikke baýlyp, ultymyzdyń jarqyn bolashaǵyn qalyptastyrýǵa óz úlesin qosatyn mańyzdy shara bolyp sanalady.
