2024 jyly Aýǵanstanda apıyn óndirisi 19 paıyzǵa ósti. Bul týraly BUU-nyń Esirtki jáne qylmys jónindegi basqarmasy aıtty, dep habarlaıdy «Adyrna» tilshisi.
«Byltyr ósim 95 paıyzǵa azaıdy. Al bıylǵy aýdıt nátıjeleri boıynsha tirkelgen óndiris deńgeıi 2022 jylǵy deńgeıden aıtarlyqtaı tómen»,—dedi sarapshylar.
Basqarmanyń málimetinshe, statıstıkanyń ósýine kúrdeli qarjylyq jáne gýmanıtarlyq máselelerge tap bolǵan aýǵan fermerleriniń qıyn jaǵdaıy sebep bolyp otyr.
«Olar úshin apıyn ósirý kúnkóristiń birden-bir joly bolyp qala beredi. Sharýalarǵa balamaly tabys kózderin tabýda shuǵyl kómek kórsetý qajet»,–dep túsindirdi BUU EQB atqarýshy dırektory Gada Valı.
Sondaı-aq bul jaǵdaıǵa esirtki baǵasynyń ósýi de áser etken. Máselen, tálipter apıyn kóknárin óndirýge tyıym salmaı turyp onyń qurǵaq syǵyndysy kılogramy 100 dollar turǵan edi. Al 2024 jyldyń birinshi jartyjyldyǵynda apıyn quny 1 kıllogramm úshin 730 dollarǵa deıin kóterilgen.
Halyqaralyq sarapshylar apıyn ósirýdegi geografııalyq ózgeristerdi de atap kórsetti. Buryn ol Aýǵanstannyń ońtústik-batysynda ósirilse, qazir jalpy óndiristiń 59 paıyzy eldiń soltústik-shyǵys provınııalaryna tıesili bolyp otyr.
Tálipter BUU-nyń Esirtki jáne qylmys jónindegi basqarmasynyń baıandamasynda keltirilgen derekterdiń shyndyqqa janaspaıtynyn aıtty.
Ishki ister mınıstrliginiń resmı ókili Abdýl-Matın Kanı bul aqparat eldiń jańa bıligi kóknár daqyldaryn joıý naýqanyn júrgizgenge deıin jınalǵan dep boljaıdy. Sondaı-aq esirtkige qarsy kúres másele joıylǵanǵa deıin jalǵasatynyn atap ótti.
