9-10 qarashada saǵat 08.00-den 17.00-ge deıin Almaty qalasynda keńeıtilgen aýylsharýashylyq jármeńkesi ótedi. Jármeńkege Jambyl oblysy men Almaty qalasy aýylsharýashylyq óndirýshileri qatysady.
Jármeńkege 50-den astam ónim túrleri (et jáne sút, jemis-kókónis, shujyq ónimderi, un, jarma, ósimdik jáne janýar maılary jáne t.b.) qoıylady.
Ónimniń jalpy kólemi 280 tonna quraıdy, onyń ishinde:
Et ónimi – 40 tonna;
Jemis-kókónis ónimi – 120 tonna;
Sút ónimi – 60 tonna;
Balyq ónimderi – 5 tonna;
Ózge ónimder – 55 tonna.
Jármeńke ótetin oryn – Almaty qalasy, Sátbaev kóshesiniń boıymen Ýalıhanov kóshesi men Dostyq dańǵyly aralyǵynda.
Aýyl sharýashylyǵy jármeńkesin ótkizýge baılanysty Sátbaev kóshesiniń Ýálıhanov kóshesinen Dostyq dańǵylyna deıingi bóliginde 8 qarashada saǵat 20:00-den 10 qarashada 20:00-ge deıin jabylady.
Jármeńkeni ótkizý kezinde №45, №95 jáne №121 baǵyttardyń syzbalary ózgeredi. Jabylatyn ýchaskeni aınalyp ótý Abaı dańǵyly boıynsha júrgiziletin bolady.
