Búgin, 4 qarashada Hasan Qasymbaevtyń anasy Gúlnar Nurakenova ulynyń ustalýyna qatysty málimdeme jasap, prezıdent Qasym-Jomart Toqaevtan arasha surady, dep habarlaıdy «Adyrna» tilshisi.
«Meniń balamnyń isin ádiletti túrde sheship berip, óz nazaryńyzǵa alýyńyzdy suraımyn. Balamdy jazyqsyzdan-jazyqsyz qaralap otyr. Onyń eshqandaı kinási joq. Kinásin dáleldep bersin. Departamentke de sol úshin kelip otyrmyn. Jaýabyn sol kisilerden kútemin»,—dedi ol.
Aıta keteıik, búgin Almaty oblysynyń polıııasy Hasan Qasymbaevty qamaýǵa alǵan bolatyn. Ol Qylmystyq kodekstiń 106-babynyń 1-bóligi (Densaýlyqqa qasaqana aýyr zııan keltirý) jáne 125-babynyń 2-bóligi (Adamdy aldyn ala sóz baılasý arqyly toppen urlaý) boıynsha tergelip jatyr.
