Qaraǵandyda mal urlyǵymen kúresý maqsatynda ornatylǵan baqylaý-ótkizý beketinde urlanǵan jylqylardy tasymaldaǵan júk kóligi ustaldy, dep habarlaıdy «Adyrna» ulttyq portaly.
Oqıǵa 2 qarasha kúni saǵat 04:00 shamasynda bolǵan. Polıeıler 57 jastaǵy júrgizýshi basqarǵan KAMAZ júk kóligin tekserý úshin toqtatqan. Onyń janynda 57 jastaǵy qala turǵyny men 29 jastaǵy uly bolǵan.
«Kólikti tekserý kezinde 40 jylqy tabyldy, júrgizýshiniń aıtýynsha, olar 57 jastaǵy jolaýshyǵa tıesili. Alaıda, bul azamat janýarlardyń menshigin rastaıtyn qujattardy kórsete almady. Tekserý barysynda jylqylardyń Aqtoǵaı aýdanynyń qystaýlarynan Qaraǵandyǵa satýǵa jetkizilmek bolǵany anyqtaldy», - dep habarlady Qaraǵandy oblysy Polıııa departamentiniń baspasóz qyzmeti.
Krımınaldyq polıııa qyzmetkerleri janýarlardyń sýretterin Aqtoǵaı aýdandyq bólimine jáne jergilikti aýyl turǵyndaryna arnalǵan chattarǵa jiberdi. Sýretterdi kórgen aýyl turǵyndarynyń biri, attardyń arasynda ózine tıesili eki jylqyny tanyp, birden polıııaǵa habarlady.
Qazirgi ýaqytta barlyq janýarlar polıeılerdiń qorǵaýymen Úshtóbe aýylyndaǵy at qoraǵa ýaqytsha ustaýǵa jetkizildi.
Qylmystyq is qozǵalyp, basqa jábirlenýshilerdi, sondaı-aq qylmysqa qatysy bar adamdardy anyqtaý maqsatynda tekserý jalǵasýda.
