Qaraǵandyda Teez marketpleıs saýda-logıstıkalyq qoımasy jumys isteı bastady. Bolashaqta munda 8 myń jańa jumys orny ashylyp, shaǵyn jáne orta bıznes qoldaý alady.
SARYARQA telearnasynda tikeleı efır barysynda turǵyndar Ermaǵanbet Bólekpaevtan qoımanyń ashylýy óńir ekonomıkasyna qalaı áser etetinin surady. Óńir basshysy jergilikti óndirýshiler men kásipkerler zamanaýı qoıma qyzmetterine qol jetkize alatynyn, bul taýarlardy jetkizýdi edáýir jedeldetetinin jáne olardyń básekege qabilettiligin arttyratynyn atap ótti.
Qoımada 300 adam jumys isteıdi, jyl sońyna deıin taǵy 200 adam jumysqa turady. Munda barlyǵy 8 myń jumys ornyn ashý josparlanýda.
– Budan basqa, Qaraǵandyda iri logıstıkalyq ortalyqtyń bolýy basqa ınvestorlar men bıznes-qurylymdardyń nazaryn aýdarýy múmkin. Bul qolaıly ınvestıııalyq ahýaldy qalyptastyrady jáne logıstıka men saýdaǵa baılanysty qosymsha qyzmetter ashý sııaqty bıznestegi jańa baǵyttardy damytýǵa múmkindik beredi. Óńir startaptar men halyqaralyq kompanııalar úshin tartymdy bolady, bul iskerlik belsendiliktiń ósýine alyp keledi, – dep esepteıdi Ermaǵanbet Bólekpaev.
Halyqaralyq logıstıkany nyǵaıtýdaǵy negizgi qadamdardyń biri Qaraǵandy "Sary-Arqa" áýejaıy bazasynda mýltımodaldy aerohab qurý. Qaraǵandylyq jýrnalıst aımaq basshysynan jańa ınvestordyń josparlary týraly surady.
– Áýejaıǵa jylyna 2 mln jolaýshy ótkizý qabileti bar jolaýshylar termınaly, jylyna 50 myń tonnaǵa deıin júk óńdeý múmkindigi bar Cargo Terminal júk termınaly kiredi. Memleket basshysynyń tapsyrmasy aıasynda bıyl biz áýejaıymyzdyń bazasynda CargoHUB Karaganda mýltımodaldy aerohabyn qurý máselesin pysyqtaýdy bastadyq. Sonymen qatar, áýejaı aýmaǵynda "Saryarqa" arnaıy ekonomıkalyq aımaǵynyń sýbzonasy bolady, – dedi Ermaǵanbet Bólekpaev.
"Sary-Arqa" áýejaıynda júk tasymaldaý kólemin ulǵaıtýǵa baǵyttalǵan Jol kartasy ázirlendi. Buǵan AEA sýbaımaǵy sheńberinde salyqtyq jáne basqa da preferenııalar alatyn aerohab aýmaǵynda jańa kásiporyndar qurý esebinen qol jetkiziletin bolady. Óńdeletin júkterdiń kólemi jylyna 15 myń tonnadan 200 myń tonnaǵa deıin ósedi dep kútilýde. Osynyń arqasynda 2030 jylǵa qaraı 2 myńǵa jýyq jańa jumys ornyn qurý jáne bıýdjetke salyq túsimderin ulǵaıtý josparlanýda.
Búgingi tańda áýejaı Ekvadordan, Nıderlandydan, Belgııadan jáne Ońtústik-Shyǵys Azııadan kommerııalyq júk reısterine qyzmet kórsetedi. Bolashaqta Qytaı – Eýropa – Qytaı baǵyty boıynsha áýe kemeleriniń tehnıkalyq qonýy artady dep kútilýde. Bul áýejaıdyń logıstıkalyq múmkindikterin keńeıtedi jáne onyń mańyzdy kólik toraby retindegi mártebesin nyǵaıtady.
