Qaraǵandy oblysynda ekonomıkanyń barlyq salalarynda ósim bar. Ónerkásiptik kásiporyndar 9 aıda 3 trln teńgege jýyq ónim óndirdi. Ótken jyldyń sáıkes kezeńine ınvestıııa 14,6%-ǵa artyp, 680 mlrd teńgege jetti. Jyl sońyna deıin úsh myńǵa jýyq jumys orny ashylyp, on jobany iske qosý josparlanyp otyr. Aımaqtyń fermerleri alǵash ret rekordtyq astyq jınady – ónim mıllıon tonnadan asty.
Oblystyń damýy týraly Saryarqa telearnasynda tikeleı efırde aımaq basshysy Ermaǵanbet Bólekpaev aıtyp berdi. Ol bıznestiń iskerlik belsendiligin arttyrý úshin qandaı jumystar jasalyp jatyr degen suraqqa jaýap berdi.
"Iskerlik ahýal" táýelsiz reıtıngin baǵalaý boıynsha Qaraǵandy oblysy elimizde jetinshi orynda tur.
Shaǵyn jáne orta bıznesti qoldaý jáne qolaıly bıznes-klımat qurý – basym mindet, dep atap ótti oblys ákimi.
– Respýblıka deńgeıinde kóptegen baǵdarlamalar ázirlendi. Qarjylyq qoldaýdy keńeıtý úshin Damý qorymen birlesip "Kásipker" óńirlik baǵdarlamasy ázirlenip, iske asyrylýda. Jaqyn arada biz nesıeler boıynsha paıyzdyq mólsherlemeni sýbsıdııalaý túrindegi qoldaýdy birneshe ese arttyrýdy kózdep otyrmyz. Óńdeý ónerkásibi, týrızm jobalaryna erekshe nazar aýdarylady, – dedi Ermaǵanbet Bólekpaev.
Sonymen qatar, barlyq qajetti ınfraqurylymy bar shaǵyn ónerkásiptik aımaqtardy qurý bastaldy. Onda bıznes óz óndirisin eń tómengi jaldaý shartymen ornalastyra alady. Mundaı alǵashqy ındýstrııalyq alańdar Qaraǵandy men Saranda iske qosyldy. Bul tájirıbeni basqa qalalar men aýdandarǵa taratý mindeti tur, dep atap ótti oblys ákimi.
Óńir basshysy elimizde birinshi bolyp Qaraǵandy oblysy bólshek saýda salyǵyn 4-ten 2%-ǵa deıin tómendetkenin eske saldy. Nátıjesinde arnaıy salyq rejımin qoldanatyn salyq tóleýshiler sany 16 ese ósti. Tartymdylyqty kórip, oblysqa basqa aımaqtardan salyq tóleýshiler keldi. Bul qazynany edáýir tolyqtyrýǵa múmkindik berdi.
