Ózbekstannyń Ferǵana oblysy Dangarın aýdanynyń qylmystyq ister jónindegi soty jergilikti turǵynǵa saılaý týraly zańnamany buzǵany úshin aıyppul saldy, dep habarlaıdy «Adyrna» ulttyq portaly Uznews.uz saıtyna silteme jasap.
Muǵalim A. M. 27 qazanda ótken Ózbekstan parlamenti men jergilikti keńesterdi saılaýda ýchaskelik saılaý komıssııasynyń múshesi bolyp jumys istegen. Ol saılaý kezinde ýaqytty únemdeý úshin bir azamatqa tórt bıýlletennen artyq berip, onyń basqa adamdardyń da atynan daýys berýine múmkindik bergen.
Sot otyrysynda A. M. kinásin tolyq moıyndady. Sot ony Ózbekstannyń ákimshilik jaýapkershilik kodeksiniń 51-10-baby («Saılaý bıýlletenderin berý tártibin buzý») boıynsha quqyq buzýshylyq jasaǵany úshin kináli dep tanydy. Muǵalimge bazalyq eseptik kórsetkishtiń bir mólsheri — 375 myń sým (29 dollar) kóleminde aıyppul salyndy.
