Tasybaevtar áýletiniń kelinderi Qyzyltaý aýyldyq okrýginde №194 ýchaskede tańdaý jasady.
Aýyzbirshilikti ustanǵan, bes saýsaǵynan óner tamǵan ónerli kelinder búgingi el bolashaǵy úshin mańyzdy kúnde birliktiń úlgisin kórsetken.
Bir áýletten shyqqan segiz kelinniń tórteýi bir otbasynan bolsa, tórteýi – nemere kelinder.
– Biz toı-dýmandarda únemi birge júremiz. Tórt abysyn aýylda tursa, tórteýi qalada turady. Eń úlken abysynymyz Rymgúl Tasybaeva «Juldyz» shaǵyn ortalyǵynyń tárbıeshisi. Onyń óziniń kelini bar. Ata-enemniń qolynda jeti kelin bolsa, men – eń kenjesimin, – deıdi bastaýysh synyp muǵalimi Nazym Tasybaeva.
Aýyldyń kórkeıýine úles qosyp kele jatqan áýlettiń balalary men nemereleri túrli salada – ustazdyqtan bastap, memlekettik qyzmet salasynda eńbek etýde.
Aıta keterligi, Tasybaevtar áýletiniń kelinderi Almatyda ótken respýblıkalyq «Abysyn-ajyn» III respýblıkalyq baıqaýynda júldeli II oryndy ıelengen.
